بِسْمِ ٱللَّهِ ٱلرَّحْمَٰنِ ٱلرَّحِيمِ سَبِّحِ ٱسْمَ رَبِّكَ ٱلْأَعْلَى
Ən Uca Rəbbinin adına təriflər de!
Azərbaycan dilində tərcümə (audio)
ٱلَّذِى خَلَقَ فَسَوَّىٰ
O Rəbbin ki, hər şeyi yaradıb kamilləşdirdi;
وَٱلَّذِى قَدَّرَ فَهَدَىٰ
O Rəbbin ki, hər şeyin müqəddəratını əzəldən müəyyən edərək yol göstərdi;
وَٱلَّذِىٓ أَخْرَجَ ٱلْمَرْعَىٰ
O Rəbbin ki, otlağı cücərtdi,
فَجَعَلَهُۥ غُثَآءً أَحْوَىٰ
sonra da qaralmış samana çevirdi.
سَنُقْرِئُكَ فَلَا تَنسَىٰٓ
Biz sənə Quranı elə oxumaq imkanı verəcəyik ki, o, yadından çıxmayacaq.
إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ
Əlbəttə, Allahın istədiyindən başqa. Həqiqətən, O, aşkardakından da, gizli qalandan da xəbərdardır.
وَنُيَسِّرُكَ لِلْيُسْرَىٰ
Səni ən asan olana müvəffəq edərik.
فَذَكِّرْ إِن نَّفَعَتِ ٱلذِّكْرَىٰ
Xatırlatmanın fayda verdiyini görsən, onlara xatırlat!
سَيَذَّكَّرُ مَن يَخْشَىٰ
Allahdan qorxanlar öyüd-nəsihət götürərlər.
وَيَتَجَنَّبُهَا ٱلْأَشْقَى
Ən bədbəxt kimsələr isə onu qulaqardına vurarlar.
ٱلَّذِى يَصْلَى ٱلنَّارَ ٱلْكُبْرَىٰ
O kimsə ki, Cəhənnəmə atılacaq,
ثُمَّ لَا يَمُوتُ فِيهَا وَلَا يَحْيَىٰ
O orada nə öləcək, nə də yaşaya biləcəkdir.
قَدْ أَفْلَحَ مَن تَزَكَّىٰ
Günahlardan təmizlənən kimsə isə uğur qazanmışdır.
وَذَكَرَ ٱسْمَ رَبِّهِۦ فَصَلَّىٰ
O kimsə ki, Rəbbinin adını xatırlayıb namaz qılmışdır.
بَلْ تُؤْثِرُونَ ٱلْحَيَوٰةَ ٱلدُّنْيَا
Xeyr, siz dünya həyatını olduqca üstün tutursunuz;
وَٱلْءَاخِرَةُ خَيْرٌۭ وَأَبْقَىٰٓ
Axirət isə daha xeyirli və daha sürəklidir.
إِنَّ هَٰذَا لَفِى ٱلصُّحُفِ ٱلْأُولَىٰ
Həqiqətən də bu, əvvəlki səhifələrdə bildirilmişdir –
صُحُفِ إِبْرَٰهِيمَ وَمُوسَىٰ
İbrahimin və Musanın səhifələrində.